كتبت الشـــعــــــر مــــو لـك ولكــــــن فـاض بـي بركان
وأما أنت فلا تسوى عندي قصيده في نظر عيني
..
حلفت لي تصوني إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتني
..
كسر رمح الزمـــــن صدري وجيتك اشتكي حيـران
نزعت الرمـــــح من صدري وبيظهري طعنتني
..
خســــــــااااره كييـف حبيـتك؟؟! نعـم والله ندمـــان
غـــبــــــــيه أدري نعـم ادري مـا دام انـك سكنتني
..
سنـــــــه مـن عمـــــــري وأنـا فـي لعبتـك غرقـان
أشيل الـــــشــوك من دربك وجرحـي كـان يدمينـي
..
وكنت أبكي إذا تبكي وأكـون لبسمتـك فرحـــــــان
وكنت اقرب من رموش عينك يــــــــوم تبغينـي
..
عرفتك للآسف صحـــــــراء وحولتـك إلـى بستـان
وشلتني غصن أخضـــــر وفي صخرك زرعتني
..
حفرتك داخلي وظني تصون عشرتـــــــي أزمـان
وكنت أحفر قبر موتــــي علـى ساحـل شرايينـي
..
على كف الشقا نامت جروحي والألـم سهـــــران
تحطمني..تبعثرني.. وفي صحـراك ترميني
..
..ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك يوم تراك... مـا عرفتني
..
أنا مو عادتي اشحذ من أمثالك رضــــــا وإحسـان
أمـــــــــــوت بـــعــــزتـي ارحـم ولا ذلــك يغطيـنـي
..
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي
..
ولو قلبـي حن لحَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي
..
ولو دار الزمــــــن ضدك وجيتـني تطلبـ الغفـران
وجبت الشمــــــــس فـي كفـك لعندي..مـا بتلقينـي
..
تقول الناس في وصفك جميل مثل عـود البــــان
وإنك أجمل وأحلى بشـــــــــر مخلـوق مـن طينـي
وإنك غاليــــي وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي
..
حــــــسافه غرهم شكلك وخدعهم جمالك والألــــوان
عموماً ..كلمة أخيرة لك من قلبي تصرخ بها الامي
..
إذا كنت بنظر غيري مـــــلاك على هيئـة إنسـان
قسم بالله ما تسوى شعـــــــره مـن رمـش عينـي