دارى ياقلبى جراحك.................. بين للناس افراحك
لمين هتشكى وتنادى.................. وعذاب الدنيا بيك بادى
حكايتى لمين بس احكيها............. محتار اقول ولا اداريها
مش لاقى فيكى يا دنيا طبيب ......... يشوفلى جراحى يداويها
قول .. قول ولايهمك............. احكى يمكن يروح هنا همك
انا طير وطالب الحنان.......... واتمنى الاقى عش الامان
اطير وارفرف بجناحى............ افرح وانسى الاحزان
ضليت وماشى بدون احباب ....... فى طريق غريب ما فهوش اصحاب
موجود فى دنيا ونسيانى .......... وتملى محسوب فيها غياب
مشيت ع الشوك سنين وسنين ....... ولا حتى عارف رايح فين
بهرب من دنيا ظلمانى .............. يمكن الاقى ناس تانيين
لقيت عذاب اشكال والوان .......... وفيكى يا دنيا ما لاقى مكان
فتشت كتير ع الراحة ........ لقيتها بس كاسيها احزان
ياللى جفيتى حنى عليا ........ يكفانى بكى .. ارحمى عنيا
اصل الالام زادت فيا ........ ياريت تنسينى لو شوية
الهم كتر والضحك قل ....... واحزانى ياعينى ملهاش حل
شكيت وبكيت للناس وقالولى .... غيرك حاول وبرضو ضل
افراح الدنيا فيها زادت ........ ولحدى ليه تقول تاهت
هاصبر واحاول من تانى........ يمكن تجيينى واقول فاتت
لو مات هواكى .... الامان مالوش وجود
لو مات هواكى .... الحنان مش راح يعود
لو مات هواكى وانتى عايشة فى الزمان
راح تبقى الدنيا بدون ملامح اوحدود
كلمات
عاشق الأحزان
الثلاثاء فبراير 02, 2010 11:13 am من طرف نور الاحزان
